የ3ኛው ዙር የ8100A የታላቁ ህዳሴ ግድብ የስልክ መልዕክት የገቢ ማሰባሰቢያ ተጀመረ

ፕሬዚዳንት ሳህለወርቅ ግድቡ ከልማት ፕሮጀክት በላይ ዋጋ እንዳለውም ገልጸዋል።

የነገ የልማት ተስፋችንን አቅርቦ የሚያሳየን የዛሬ ድህነት ጦርና ጋሻችን ነውና ትናንት ያለንን የገበርንበትን ግድብ ዛሬም ከታሰበው ጊዜ ቀድሞ በማጠናቀቅ ድላችንን እንድገም ሲሉም ጥሪ አቅርበዋል።

በብሄራዊ ቤተመንግስት በተካሄደው የማስጀመሪያ መርሃ ግብር ላይ የተለያዩ የጥበብ ስራዎች ቀርበዋል።

በዚህ አድዋ ነው አባይ፤ የዘመናችን ድህነትን መውጊያ ጋሻና ጦራችን ነውና ለግድቡ የቀረበው ጥሪም እንደ አድዋ የክተት አዋጅ ኢትዮጵያውያን ሁሉ የምንከተለው ነው የሚል መልዕክት ተላልፎበታል።

በስነ ስነ ስርዓቱ ላይ የውጭ ጉዳይ ሚኒስትር አቶ ገዱ አንዳርጋቸው ፣ የገቢዎች ሚኒስትር ወይዘሮ አዳነች አቤቤ ፣ የብሄራዊ ባንክ ገዥ ዶክተር ይናገር ደሴ ፣ የባህልና ቱሪዝም ሚኒስትር ዶክተር ሂሩት ካሳውን ጨምሮ የተለያዩ እንግዶች ተገኝተዋል።

በመርሃግብሩ ላይ ፋና ብሮድካስቲንግ ኮርፖሬትን ጨምሮ ከታላቁ የህዳሴ ግድብ የህዝብ ተሳትፎ ማስተባበሪያ ጽህፈት ቤት ጋር በትብብር በመስራት ከፍተኛ ድጋፍ ላደረጉ አጋር ድርጅቶች ከፕሬዝዳንት ሳህለወርቅ ዘውዴ የእውቅና ሽልማት ተበርክቶላቸዋል።

በአክሱማዊት ገ/ህይወት

ትኩስ መረጃዎችን በፍጥነት ለማግኘት የቴሌግራም ገፃችንን ሰብስክራይ ያድርጉ!
https://t.me/fanatelevision