ትኩረት የሳበው የሆንግ ኮንግ የክርስቲያኖ ሮናልዶ ሙዚየም

On Jul 17, 2025 155

አዲስ አበባ፣ ሐምሌ 10፣ 2017 (ኤፍ ኤም ሲ) በሆንግ ኮንግ የተከፈተው የአምስት ጊዜ የባሎንዶር አሸናፊው ክርስቲያኖ ሮናልዶ ሙዚየም በዓለም ዙሪያ ያሉ አድናቂዋቹን ትኩረት ስቧል፡፡

ሙዚየሙ የክርስቲያኖ ሮናልዶን የሁለት አስርት ዓመታት ድንቅ የእግር ኳስ ህይወት ጊዜያትን በተንቀሳቃሽ ምስል እና በፎቶ ያሳያል።

በትናንትናው ዕለት የወጡ ምስሎች እንደሚያሳዩት ፖርቹጋላዊው ኮከብ ክርስቲያኖ ሮናልዶ ከልጅነት ክለቡ ስፖርቲንግ ሊዝበን ጀምሮ አሁን እስካለበት አልናስር የለበሳቸው ማልያዎች ይታያሉ፡፡

ሮናልዶ ከሀገሩ ፖርቹጋል፣ ከማንቼስተር ዩናይትድ፣ ከሪያል ማድሪድ እና ከጁቬንቱስ ጋር ያሳካቸው ዋንጫዎች እና የግል ሽልማቶች በሙዚየሙ ውስጥ በምስል እና በተንቀሳቃሽ ምስል ለእይታ ቀርበዋል።

ከሆንግ ኮንግ አስቀድሞ ሳዑዲ አረቢያ በሪያድ ለክርስቲያኖ ሮናልዶ ሙዚየም መስራቷ ይታወቃል፡፡

ሪያድ የሚገኘው በክርስቲያኖ ሮናልዶ ስም የተሰራው ሙዚየም ተጫዋቹ በእግር ኳስ ህይወቱ ያስመዘገባቸውን ስኬቶች በሙሉ ያሳያል።

የ40 ዓመቱ ክርስቲያኖ ሮናልዶ አሁን ላይ የዓለማችን ቁጥር አንድ ውዱ ተከፋይ ስፖርተኛ ሲሆን፤ በእግር ኳስ ሕይወቱ እስካሁን 938 ግቦች አስቆጥሯል።

ፈጣን እና ወቅታዊ መረጃዎችን ለማግኘት፡-