በሲዳማ ክልል በአንድ ጀንበር 8 ሚሊየን ችግኝ ይተከላል

On Jul 30, 2025 12

አዲስ አበባ፣ ሐምሌ 23፣ 2017 (ኤፍ ኤም ሲ) የሲዳማ ክልል እርሻና ተፈጥሮ ሀብት ልማት ቢሮ በክልሉ በአንድ ጀንበር የአረንጓዴ አሻራ መርሐ ግብር 8 ሚሊየን ችግኝ ለመትከል ዝግጅት ተደርጓል አለ ።

በቢሮው የተፈጥሮ ሀብትና አነስተኛ መስኖ ልማት ዳይሬክተር አቶ በረከት አሰፋ ለፋና ዲጂታል እንዳሉት፥ በክልሉ የአንድ ጀንበር የችግኝ ተከላ ላይ ከ2 ነጥብ 5 ሚሊየን በላይ ሰዎች እንደሚሳተፉ ይጠበቃል።

ለችግኝ ተከላው 235 ቦታዎች መለየታቸውን፣ የጉድጓድ ዝግጅት መደረጉንና የችግኝ ስርጭት ስራዎች መከናወናቸውን ጠቅሰው፥ ከ2 ሺህ ሄክታር በላይ መሬት በችግኝ ይሸፈናል ብለዋል።

በክልሉ በነገው ዕለት በአንድ ጀንበር ከሚተከሉት 8 ሚሊየን ችግኞች ውስጥ 60 በመቶ የሚሆነው ለአካባቢ ጥበቃ፣ ቀሪው ደግሞ ለምግብነት እና ለደን ሽፋን የሚውሉ መሆናቸውን ተናግረዋል።

በሲዳማ ክልል በዘንድሮ የአረንጓዴ አሻራ መርሐ ግብር 307 ነጥብ 7 ሚሊየን ችግኝ ለመትከል ታቅዶ በእስካሁን 299 ነጥብ 7 ሚሊየን ችግኞች ተተክለዋል ነው ያሉት።

በክልሉ በነገው ዕለት የሚከናወነውን የአንድ ጀንበር የችግኝ ተከላ ሙሉ በሙሉ ለማሳካት ህብረተሰቡ በነቂስ እንዲሳተፍ ጥሪ አቅርበዋል።

በኃይለማርያም ተገኝ

ፈጣን እና ወቅታዊ መረጃዎችን ለማግኘት፡-