የመምህርነትን ሙያ ተመራጭና ተወዳጅ ለማድረግ ይሰራል- የትምህርት ሚኒስቴር

በውይይቱ ላይ በትምህርት ስርዓቱ የመምህርነት ሙያ ከምልመላ ጀምሮ ችግሮች እንዳሉበት ተነስቷል፡፡

መምህርነትን መርጠውና ፈልገው የሚመጡ ባለሙያዎች በሌሉበት የትምህርት ጥራትን ማሻሻል አስቸጋሪ መሆኑም በውይይቱ ላይ ተነስቷል።

ሙያው የሚጠበቅበትን ተልዕኮ ለማሳካት የሙያው ባለቤት የሆኑ መምህራን በአግባቡ ሊሰለጥኑና የሙያውን ግዴታ መወጣት በሚያስችላቸው ደረጃ ሊዘጋጁ እንደሚገባ ተገልጿል፡፡

መምህርነትን ተመራጭ የሙያ መስክ ለማድረግ የመምህራንን ብቃትና ተነሳሽነት ማሳደግ፣ የስልጠና ስርዓቱን፣ የኑሮ፣ የስራና የገቢ ሆኔታን በማሻሻል የሙያውን ክብርና ደረጃ ማሳደግ ያስፈልጋል ተብሏል፡፡

በዚህም የመምህርነት ሙያ ተመራጭና ተወዳጅ ሙያ ለማድረግ በቀጣይ አስር ዓመታት በትኩረት ለመስራት መታቀዱን ከሚኒስቴሩ ያገኘነው መረጃ ያመለክታል፡፡