የኢትዮጵያ ብሔራዊ ጥቅሞችን ማስጠበቅ የሚያስገኘው ትርፍ እጅግ ብዙ ነው -ፕሬዚዳንት ታዬ

ፕሬዚዳንቱ በኤክስ ገጻቸው ባሰፈሩት መልዕክት የኢትዮጵያ ብሔራዊ ጥቅሞችን በዘላቂነት ለማስጠበቅ ከአድማስ ባሻገር ማሰብ እና ደፋር ስትራቴጂካዊ አመለካከት ማዳበር ይገባል ብለዋል።

አክለውም የወደፊቱን መተንበይ እና ሀገርን ከፍ ለማድረግ በጽኑ የቆሙ ደፋር ስትራቴጂካዊ አመለካከቶችን ማዳበር ወሳኝ ነው ሲሉም አጽንኦት ሰጥተዋል።

ፕሬዚዳንቱ እንዲህ ዓይነት የነገ አሻጋሪ እና አርቆ አሳቢ አቀራረብ መከተል ሀገሪቱ ለምታስመዘግበው ሁለንተናዊ ድልና ስኬት የሚያስገኘው ጥቅም እጅግ የላቀና ብዙ መሆኑን አስገንዝበዋል።