የአረንጓዴ አሻራ መርሀ ግብር የተሳካ እንዲሆን ዝግጅት ተጠናቋል- የአማራ ክልል ግብርና ቢሮ

ይህ የተባለው ቢሮው በምስራቅ አማራ ከሚገኙ ዞኖች ጋር አረንጓዴ አሻራን አስመልክቶ በኮምቦልቻ ከተማ ባደረገው ውይይት ላይ ነው።

የክልሉ ግብርና ቢሮ ምክትል ሀላፊ የሆኑት አቶ ወንድየ ማርቆስ እንደተናገሩት በመርሀ ግብሩ በክልል ደረጃ ለመትከል የታቀደውን 2 ቢሊየን ችግኝ እውን ለማድረግ ሁሉም ዞኖች ዝግጅት አድርገው ወደ ስራ ገብተዋል ብለዋል።

በክልሉ የሚገኙ ወረዳዎች ችግኝ የመትከል ስራውን መጀመራቸው የሚበረታታ ነው ያሉት አቶ ወንድየ የፊታችን ሀሙስ በክልል ደረጃ በአንድ ቀን ከ228 ሚሊየን በላይ ችግኝ ለመትከል መታቀዱን ገልጸው ለዚህም ቢሮው ዝግጅቱን አጠናቋል ብለዋል።

በክልሉ ከ18 ሚሊየን በላይ የአትክልትና ፍራፍሬ ችግኞች መዘጋ ጀታቸው የተገለጸ ሲሆን የአረንጓዴ አሻራ መርሀ ግብሩ የተሳካ እንዲሆን ሁሉም አከባቢዎች ዝግጅት አድርገው ወደ ስራ ገብተዎል ተብሏል።

በውይይት መድረኩ ላይ የተገኙ የክልል የዞንና የወረዳ አመራሮች ከውይይቱ ባሻገር በቃሉ ወረዳ 02 ቀበሌ አረንጓዴ አሻራቸውን ችግኝ በመትከል አሳርፈዋል።

በከድር መሀመድ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!