Fiigicha Akkanumaanii Garee Seeraan Alaa ABUT

Finfinnee, Fulbaana 29, 2019(FMC) – Seenaa Itiyoophiyaa birmaddummaan biyyaalessaa fi kabajni ummataa waan hundaa caalaa iddoo olaanaa qaban keessatti, gareewwan seenaa keessatti tuqaa gurraacha gantummaa dhiisanii darbuu yaalan muraasa miti.

Gareewwan kennen keessaa, gareen seeraan alaa ABUT biyya isaa irratti dugda duubaan waraana banee, Raayyaa Ittisa Biyyaa halkan keessa gane fi faayidaan bitame isa olaanaa dha.

Gareen kun dheebuu aangoo ba’achuu fi sirna saamichaa isaa itti fufsiisuuf jecha, birmaddummaa biyyaa diinotatti dabarsee kennuuf “Fiigicha Guddaa” jalqabe.

Har’a garuu, humna jabaa Raayyaa Ittisa Rippaabilika Dimookiraatawaa Federaalawaa Itiyoophiyaatiin rukutamee, guutumaan guutuutti salphina keessa galeera.

Eenymmaan garee gantuu kanaa fi imalli gantummaa isaa kan jalqabe, gareen kun Raayyaa Ittisa Biyyaa gantummaan erga rukutee booda humna ofii isaatiin dhaabbachuu akka hin dandeenye sirriitti waan beekuuf. Kanaafuu, kallattiin gara biyyoota alaa fi qomoo humnoota alaa keessa fiige.

Kana malees, diinota seenaa Itiyoophiyaan akka laaftuu fi bittinnooftu barbaadan waliin hiriiruun, karaa dippiloomaasiitiin, dinagdee fi ololaatiin biyya diiguuf halkanii guyyaa hojjechaa ture.

“Fiigichi Gantummaa Guddaan” kun iccitii biyyaalessaa dabarsanii kennuu qofa osoo hin taane, humnoonni alaa dhimma keessoo Itiyoophiyaa keessa harka akka galfatan kadhachuuf ga’uun, amala gantummaa seenaan hin daganne ta’eera.

Haa ta’u malee, gareen kun deeggarsa humnoota alaa argateen tokkummaa Itiyoophiyaa diiguuf yaalus, kan isa mudate Raayyaa Ittisa Biyyaa hin mo’amne, utubaa biyyaa ta’e fi tokkummaa cimaa Raayyaa Ittisaa fi ummataa ture.

Gootummaan waraanaa fi haleellaan tarsiimawaa Raayyaa Ittisaa karoora garee gantuu kanaa kan fashaleesse yoo ta’u, gareen kun adda waraanaatti of irraa ittisuu dadhabee gara baqannaatti seeneera. Gareen kaleessa of tuulummaadhaan dhaadachaa ture har’a dandeettii raayyichaa gadi fagoo fi kallattiin rukutamaa, bakka keessa dhokatu dhabuun bosona adda addaa fi balbala imbaasii biyyoota halagootaa dura fiigaa jira.

Baqannaan kun mo’atamuu loltummaa beekamaa qofa osoo hin taane, kufaatii xiin sammuu fi seenaa dhaabbatichaa guddisee kan mul’isee dha.

Fiigichi garee gantuu kanaa har’a salphina guddaa ummata addunyaa guutuu duratti ifa ba’e ta’eera.

Qaamoleen halagaa bu’a isaanii ittiin kabachiifachuuf kan yaalan gareen gantootaa kun, ergamtummaan isaa xumuramee cichoomina Itiyoophiyaanotaan yoo mo’atamu kan argan michoonni isaa halagaa fuula isaanii akka irraa garagalchan ta’eera.

Biyya ofii irratti gantummaa raawwatanii injifannoon bahuun akka hin danda’amne, kana caalaayyuu salphina seena-qabeessa uffatanii ummata biratti balaaleffatamuu akka fidu, gareen kun ragaa jiraataa ta’eera.

Walumaagalatti, “Fiigichi Akkanumaanii” garee seeraan alaa ABUT dhumarratti baqannaa, salphina fi galmee gantummaa seenaa irratti adda durummaan galmaa’uu ta’eera.

Kunis boqonnaa cululuqaa seena qabeessa birmaddummaan Itiyoophiyaa, Raayyaan Ittisa Biyyaa fi ummanni waliin dhaabbataniif, humni alaas ta’e gantoonni keessoo tuquu akka hin dandeenye qabatamaan mirkaneesse dha.

Hayilayeesuus Makonnin

#MootummaaIda’amuu