በፋና ሚዲያ ኮርፖሬሽን የተገነባው የጎንደር ዩኒቨርሲቲ ማህበረሰብ ሬዲዮ ነገ ይመረቃል

On Jun 14, 2025 51

አዲስ አበባ፣ ሰኔ 7፣ 2017 (ኤፍ ኤም ሲ) የጎንደር ዩኒቨርሲቲ ፕሬዚዳንት አስራት አፀደወይን (ዶ/ር) በፋና ሚዲያ ኮርፖሬሽን የተገነባው የዩኒቨርሲቲው ማህበረሰብ ሬዲዮ ነገ ይመረቃል አሉ።

አስራት አፀደወይን (ዶ/ር) እንደገለጹት፤ የማህበረሰብ ሬዲዮው የተገነባው የጎንደር ዩኒቨርሲቲ አጠቃላይ የሥራ እንቅስቃሴውን ለማህበረሰቡ ተደራሽ ለማድረግ ነው።

ዩኒቨርሲቲው ከፋና ሚዲያ ኮርፖሬሽን ጋር በደረሰው ስምምነት መሰረት የማህበረሰብ ሬዲዮ ግንባታው መከናወኑን ገልጸው፤ ግንባታው በሚፈለገው ጥራት ከተያዘለት ጊዜ አስቀድሞ መጠናቀቁን ጠቁመዋል።

ለዚህም ከዩኒቨርሲቲው ጋር የቆየ ወዳጅነት ላለው ፋና ሚዲያ ኮርፖሬሽን ምስጋና አቅርበው፤ በቀጣይ ትብብሩ ተጠናክሮ እንደሚቀጥል አረጋግጠዋል።

የማህበረሰብ ሬዲዮው የዩኒቨርሲቲውን ሁለንተናዊ ተግባር ከማስተዋወቅ ባለፈ ለጋዜጠኝነትና ተግባቦት ትምህርት ክፍል አማራጭ የተግባር ልምምድ ማዕከል በመሆን ያገለግላል ብለዋል።

ዩኒቨርሲቲው በነገው ዕለት በፋና ሚዲያ ኮርፖሬሽን የተገነባውን የማህበረሰብ ሬዲዮ ጨምሮ 22 ፕሮጀክቶችን ያስመርቃል።

በምናለ አየነው

ፈጣን እና ወቅታዊ መረጃዎችን ለማግኘት፡-