የዲጂታል አማራ ኢኒሼቲቭ ማስጀመሪያ መርሐ ግብር እየተካሄደ ነው

On Aug 23, 2025 87

አዲስ አበባ፣ ነሐሴ 17፣ 2017 (ኤፍ ኤም ሲ) የአማራ ክልል ርዕሰ መስተዳድር አረጋ ከበደ ዘመኑን የዋጀ ቴክኖሎጂ በመጠቀም አገልግሎት አሰጣጥን ማቀላጠፍ ይገባል አሉ፡፡

የዲጂታል አማራ ኢኒሼቲቭ ማስጀመሪያ መርሐ ግብር በባሕር ዳር ከተማ እየተካሄደ ነው።

ርዕሰ መስተዳድር አረጋ ከበደ በዚህ ወቅት እንዳሉት÷ ቴክኖሎጂን መጠቀም የቅንጦት ጉዳይ ሳይሆን መሰረታዊ ግዴታ እየሆነ መጥቷል፡፡

ዲጂታል አማራ ኢኒሺዬቲቭ ክልሉ በቴክኖሎጂ ዘርፍ የያዛቸውን ግቦች ለማሳካት ከፍተኛ አስተዋጽኦ እንደሚያበረክት ተናግረዋል።

የመንግሥት አገልግሎቶችን ለማዘመን፣ ቴክኖሎጂ መር ኢኮኖሚ ተጠቃሚ ለመሆንና ፈጣንና ተአማኒነት ያላቸው መረጃዎችን ለመለዋወጥ ቴክኖሎጂ ወሳኝ መሆኑን አንስተዋል፡፡

ቴክኖሎጂን አውቆ መጠቀም፣ መፍጠርና የሥራ ዕድል መጠቀሚያ የሚያደርግ ትውልድ መገንባት ላይ በትኩረት መስራት እንደሚገባም አመልክተዋል፡፡

ዲጂታል አማራ ኢኒሺዬቲቩ ከ2018 እስከ 2022 ዓ.ም በክልሉ 5 ሚሊየን ዜጎችን በማሰልጠን የ21ኛው ክፍለ ዘመን የዲጂታል ኢኮኖሚ ተጠቃሚ ማድረግ ያስችላል ነው ያሉት፡፡

ቴክኖሎጂው ተማሪዎች ትምህርታቸውን በኦንላይንና ኦፍላይን የሚማሩበትን ሥርዓት ያካተተ መሆኑ ተመላክቷል፡፡

በደሳለኝ ቢራራ

ፈጣን እና ወቅታዊ መረጃዎችን ለማግኘት፡-

Amharic Podcast YouTube www.youtube.com/@fanamcpodcast በመወዳጀት ይከታተሉን፡፡

ዘወትር፦ ከእኛ ጋር ስለሆኑ እናመሰግናለን!