ሰላምን በማጽናት የልማት ሥራዎች እንዲከናወኑ የጸጥታ አካሉ ሚናውን ተወጥቷል – አቶ አሻድሊ ሃሰን

On Sep 22, 2025 25

አዲስ አበባ፣ መስከረም 12፣ 2018 (ኤፍ ኤም ሲ) በቤኒሻንጉል ጉሙዝ ክልል ሰላምን በማጽናት የልማት ሥራዎች እንዲከናወኑ የፀጥታ አካሉ ሚናውን ተወጥቷል አሉ የክልሉ ርዕሰ መስተዳድር አሻድሊ ሃሰን።

የክልሉን ወቅታዊ የሠላም ሁኔታና ቀጣይ አቅጣጫዎች በተመለከተ የክልሉ ከፍተኛ አመራሮችና የፀጥታ አካላት በተገኙበት ውይይት ተካሂዷል።

አቶ አሻድሊ በዚህ ወቅት እንደተናገሩት÷ የክልሉን ሠላም በማጽናት የልማት ሥራዎች ተጠናክረው እንዲቀጥሉ የፀጥታ ሃይሉ ሁልጊዜም ዝግጁ ነው።

ቀደም ሲል በክልሉ ተከስቶ የነበረው የሠላም እጦት ሕዝብን ተጠቃሚ ለማድረግ በሚከናወኑ የልማት ሥራዎች ላይ ተጽዕኖ አሳድሮ እንደነበር አስታውሰዋል፡፡

የጸጥታ ሃይሉ ከክልሉ ሕዝብ ጋር በመቀናጀት ባከናወናቸው ተግባራት የክልሉ ሠላም መመለሱን ነው ያስረዱት፡፡

በዚህም ሕዝብን ተጠቃሚ የሚያደርጉ የተለያዩ የልማት ሥራዎች በመከናወን ላይ መሆናቸውን ተናግረዋል።

በክልሉ ለተገኘው ሠላምና የልማት እንቅስቃሴ የፀጥታ መዋቅሩ ቅንጅታዊ አሰራር የጎላ ሚና ስላለው በቀጣይ ተጠናክሮ መቀጠል እንዳለበት አስገንዝበዋል።

የክልሉ ሠላም ግንባታና ፀጥታ ቢሮ ኃላፊ አቶ ቢኒያም መንገሻ በበኩላቸው÷ የፀጥታ አካላት ሠላምን ለማስፈን የከፈሉት መስዋዕትነት በአሁኑ ወቅት በክልሉ የተለያዩ የልማት ሥራዎች እንዲከናወኑ አስተዋጽኦ ማድረጉን ተናግረዋል።

የሠላም ተመላሾችም በተፈጠረላቸው የሥራ ዕድል ተጠቃሚ በመሆን የኢኮኖሚ አቅማቸውን እያሳዳጉ ነው ማለታቸውን ኢዜአ ዘግቧል፡፡

ፈጣን እና ወቅታዊ መረጃዎችን ለማግኘት፡-