መላው ኢትዮጵያውያን አዲስ ዓመትን እያከበሩ ነው

የኢትዮጵያውያን የዘመን መለወጫ የሆነው መስከረም አንድ በመላ ሀገሪቱ በተለያዩ ዝግጅቶች እየተከበረ ይገኛል።

የሃይማኖት አባቶች አዲሱን ዓመት በማስመልከት የእንኳን አደረሳችሁ መልዕክት አስተላልፈዋል።

በመልዕክታቸውም በዚህ ዓመት ለሀገር ሰላምና እድገት በመስራት እርስ በርስ መረዳዳትን ማጠናከር እንደሚገባ አሳስበዋል።

የመንግሥት ከፍተኛ የስራ ኃላፊዎችም አዲሱ ዓመት የሰላም፣ የፍቅር፣ የብልጽግናና የደስታ እንዲሆን መልካም ምኞታቸውን ገልጸዋል።

መንግሥት በ2018 ዓ.ም የተመዘገቡ ስኬቶችን በአዲሱ ዓመት አጠናክሮ ለማስቀጠል እንደሚሰራም አስታውቋል፡፡