አቶ ደመቀ መኮንን ከአሜሪካ የምሥራቅ አፍሪካ ልዩ ልዑክ ጋር ተወያዩ

በውይይታቸው ወቅት ከአሸባሪው ህወሓት ጋር የሚደረገው ጦርነት ስለሚቆምበት መንገድ የአሜሪካ ሐሳብ ምን እንደሆነ በልዩ ልዑኩ በኩል የተነሣ ሲሆን፥ አቶ ደመቀም የኢትዮጵያን አቋም አስረድተዋል።

በኮምቦልቻና በላሊበላ ለሰብአዊ እርዳታ የሚውሉ በረራዎች መፈቀዳቸውን አቶ ደመቀ በዚህ ወቅት ገልጸዋል።

ወደ ትግራይም 369 እርዳታ የጫኑ መኪናዎች እንዲገቡ መፈቀዱን ጠቅሰው፥ በተለያዩ የኢትዮጵያ ክፍሎች የሚገኙ የአሜሪካ ዜጎችን ሁኔታ በተመለከተም ውይይት አድርገዋል።

አሸባሪው ሕወሓት አሁንም ቢሆን በአፋርና በአማራ ክልሎች ጥቃት እየፈጸመና ከፍተኛ ሰብአዊና ኢኮኖሚያዊ ውድመት እንዲሁም ስነልቦናዊ ጉዳት እያደረሰ መሆኑንም አስረድተዋል።

አያይዘውም ከሁለቱ ክልሎች ለቆ እንዲወጣ ግፊት ሊደረግበት እንደሚገባ ማሳሰባቸውን የመንግሥት ኮሙኒኬሽን አገልግሎት መረጃ ያመላክታል።