Qabsoon farra malaanmaltummaa ajandaa idilee ummataa fi mootummaa ta’ee itti fufuu qaba

Finfinnee, Hagayya 8, 2018 (FMC) – Qabsoon farra malaanmaltummaa ajandaa idilee ummataa fi mootummaa ta’ee itti fufuu qaba jedhan Af-yaa’ii Itti-aantuun Mana Maree Bakka Bu’oota Ummataa aadde Loomii Badhoo.

Ayyaanni hundeeffama Waggaa 25ffaa Komishinii Naamusaa fi Farra Malaanmaltummaa Itiyoophiyaa mata duree “Qabsoo Farra Malaanmaltummaa Kaleessa, Har’aa fi Boru” jedhuun gaggeeffamaa jira.

Aadde Loomii Badhoo wayita kana, ayyaanni hundeeffama komishinichaa har’a kabajnu qabsoo darbe yaadachuuf qofa osoo hin taane, haala keessa jirru gamaggamuufi kallattii fuulduraa ittiin hogganamnu murteessuuf kan nu dandeessisudha jedhan.

Marii Biyyaalessaa keessatti dhimmoonni malaanmaltummaa fi bulchiinsa gaarii qabxiilee marii gurguddoo taa’an keessaa adda durummaan kan ka’uu ta’uu kaasanii, qabsoon farra malaanmaltummaa dhimma dhaabbata tokkoo qofa osoo hin taane, dhimma ummata maraa ta’uu kan mirkaneesse ta’uu eeraniiru.

Bu’uuraaleen sadeen kunneen bu’uura qabsoo farra malaanmaltummaa ta’uun ammaas tajaajilaa jiru jedhaniiru.

Yeroo ammaa mootummaan malaanmaltummaa ittisuuf hojiiwwan riifoormii bal’inaan hojiirra oolchaa akka jiru eeranii, keessattuu sirni eeruu kennuu biyyaalessaa sagaleen lammilee sodaa malee akka dhagahamu taasisuu ibsan.

Sirni galmeessa fi beeksisa qabeenyaa dijitaalaa ammoo qabeenyi hoggantootaa fi hojjettoota dhaabbilee mootummaa ummataaf ifa akka ta’u godheera jedhaniiru.

Hojimaatileen Tajaajila Giddugala Tokkoo Masoob fi hubannoo namtolcheen deeggaraman boqonnaawwan qabsoo hanna dandeettii teeknooloojiin saaxilan ta’uus kaasaniiru.

Malaanmaltummaan dhimma maallaqaa qofa osoo hin taane, dhimma naamusaa, safuu, bulchiinsaa, haqaa, misoomaa, ijaarsa biyyaa fi dhalootaa ta’uu isaatiin yeroo hundaa ajandaa idilee ummataa fi mootummaa ta’ee itti fufuu akka qabu hubachiisaniiru.

#Oromia #Ethiopia