በአዲስ አበባ በክፍለ ከተሞች የሚታየው የአገልግሎት አሰጣጥ ክፍተት አሁንም ለነዋሪዎች የቅሬታ ምንጭ ሆኖ መቀጠሉ ተገለፀ

ሰአት አርፍዶ መግባት፣ ውሳኔ ማዘግየት፣ የእውቀትና ክህሎት ችግርና ቅንነት ማጣት በአገልግሎት ሰጪ ሰራተኞቹ ላይ የሚታዩ ባህሪያት መሆናቸውንም ነው ተገልጋዮቹ የጠቆሙት።

አገልግሎት የሚሰጥባቸው አካባቢወች ለተጠቃሚዎች ምቹ አለመሆንን ጨምሮ አገልግሎት ሰጭዎች በስራ ገበታቸው አለመገኘትም ሌላኛው የሚኒሳ ችግር ነው።

ፋና ብርድካስቲንግ ኮርፖሬት በቂርቆስ፣ በየካ እና በልደታ ክፍለ ከተማዎች የመሬት ይዞታና ኤጀንሲ ቅርንጫፍ ተዘዋውሮ ባደረገው ምልከታ የአገልግሎት አሰጣጥ እየተሻሻለ ቢገኝም አሁንም የተገልጋይን እርካታ ማምጣት የሚያስችል የአገልግሎት አሰጣጥ አለመኖሩን ከተገልጋዮች አስተያየት መረዳት ተችሏል።

በአገልግሎት መስጫ ቦታዎች ላይ በቂ ግንዛቤና እውቀት ያላቸውና ቅን ሰራተኞች ቢኖሩ እንዲሁም ጉዳዮች በአንድ መስኮት ማለቅ የሚቻልባቸው መንገዶች ቢዘጋጁ መልካም ነው ሲሉ ተገልጋዮች ለፋና ብሮድካስቲንግ ኮርፖሬት በሰጡት አስተያየት ተናግረዋል፡፡