በ2ኛው የተባበሩት መንግስታት የምግብ ሥርዓት ጉባዔ የሚሳተፉ እንግዶች በሞጆ የዶሮ እርባታ ማዕከልን ጎበኙ

On Jul 27, 2025 55

አዲስ አበባ፣ ሐምሌ 20፣ 2017 (ኤፍ ኤም ሲ) በሁለተኛው የተባበሩት መንግስታት የምግብ ሥርዓት ጉባዔ የሚሳተፉ እንግዶች በሞጆ የዶሮ እርባታ እና ዶሮ ማቀነባበሪያ ማዕከላትን ጎብኝተዋል፡፡

የጉባዔው ተሳታፊዎች በዛሬው ዕለት ኢትዮጵያ በተለያዩ አካባቢዎች የምግብ ዋስትናን እና ሥርዓተ ምግብን ለማሻሻል እያከናወነቻቸው የሚገኙ ሥራዎችን እየጎበኙ ነው፡፡

ኢትዮጵያ የምግብ ሉዓላዊነትን ለማረጋገጥ በጀመረቻቸው ጥረቶች በርካታ ስኬቶችን ያስመዘገበች ሲሆን÷ በዚህም በበጋ መስኖ ስንዴ፣ በሌማት ትሩፋት፣ በአረንጓዴ አሻራና ሌሎች ስኬታማ ሥራዎችን እያከናወነች ነው፡፡

ከተለያዩ ሀገራት በጉባዔው ለመሳተፍ የመጡ እንግዶ ዛሬ በሞጆ የዶሮ እርባታ እና ዶሮ ማቀነባበሪያ ማዕከላትን ተዘዋውረው ተመልክተዋል፡፡

በተጨማሪም ኢትዮጵያ የአቮካዶ ምርት ላይ እየሰራችው ያለውን ሥራ የጎበኙ ሲሆን÷ በዚህ ወቅትም የዶሮና የአቮካዶ ምርቶች ከሀገር ውስጥ ፍጆታ ባለፈ ለውጭ ገበያ እየቀረቡ እንደሚገኙ ተመላክቷል፡፡

በሰዓዳ ጌታቸው

ፈጣን እና ወቅታዊ መረጃዎችን ለማግኘት፡-