ከንቲባ አዳነች አቤቤ የቦሌ ቅርንጫፍ የአዲስ መሶብ የአንድ ማዕከል አገልግሎትን ስራ አስጀመሩ

On Oct 8, 2025 140

አዲስ አበባ፣ መስከረም 28፣ 2018 (ኤፍ ኤም ሲ) የአዲስ አበባ ከተማ አስተዳደር ከንቲባ አዳነች አቤቤ የቦሌ ቅርንጫፍ አዲስ መሶብ የአንድ ማዕከል አገልግሎትን መርቀው ስራ አስጀምረዋል።

ከንቲባዋ በዚህ ወቅት እንዳሉት÷ ሕዝቡ ሲጠይቅና ቅሬታ ሲያቀርብበት የነበረውን የአገልግሎት ዘርፍ ለማዘመን ትኩረት ተሰጥቶ እየተሰራ ነው።

ለዚህም በመዲናዋ ጳጉሜን 5 ቀን 2017 ዓ.ም ከተጀመረው መሶብ የአንድ ማዕከል አገልግሎት በተጨማሪ በሌሎች ክፍለ ከተሞች የማስፋፋት ስራ እየተሰራ መሆኑን ተናግረዋል።

ዛሬ የተመረቀው የቦሌ ቅርንጫፍ የአዲስ መሶብ የአንድ ማዕከል አገልግሎትም የዚህ ማሳያ ነው ብለዋል።

በመዲናዋ አሁን ላይ 107 አገልግሎቶች ዲጂታላይዝ ተደርገው ሕዝቡ ፈጣንና ቀልጣፋ አገልግሎት እንዲያገኝ መደረጉን ጠቁመዋል።

የአዲስ መሶብ የአንድ ማዕከል አገልግሎት በጥራትና ቴክኖሎጂ የተሻለ መሆኑን የጠቆሙት ደግሞ የኢትዮጵያ አርቲፊሻል ኢንተለጀንስ ዋና ዳይሬክተር ወርቁ ጋቸና (ዶ/ር) ናቸው።

የቦሌ አዲስ መሶብ የአንድ ማዕከል አገልግሎት ባለስድስት ወለል ህንጻ በአራት ወራት ውስጥ ተገንብቶ የተጠናቀቀ ሲሆን÷ አሁን ላይ 12 ተቋማት በድምሩ 96 አገልግሎቶችን መስጠት መጀመራቸው ተገልጿል።

በታሪኩ ለገሰ

ፈጣን እና ወቅታዊ መረጃዎችን ለማግኘት፡-