አቶ አገኘሁ ተሻገር የመስቀል ደመራ በዓልን ምክንያት በማድረግ የእንኳን አደረሳችሁ መልዕክት አስተላለፉ

የመስቀሉ መገኘት ምሳሌው ብዙ ነው በተለይም የግፍ እና የመከራ ዘመን አልፎ የእረፍትና የሰላም ዘመን መምጣት አይቀሬነትን እንዲሁም እውነት ትዘገይ እንደሆን እንጂ ተደብቃ እንደማትቀር ያስተምረናል ነው ያሉት ።

ምንም እንኳን ፈተናና መከራችን ቢበዛም እውነት እና ፍትህ ከኛ ጋር ነችና በአሸናፊነት እንደምንሻገረው ከቶ አንጠራጠርም ብለዋል፡፡

የወቅቱ ፍልሚያም ሀገርን ለማጥፋት ባሴሩ ክፉዎች እና ሀገርን ለማዳን በተሰለፉ ወገኖች መካከል ነው ያሉት ርዕሰ መስተዳድሩ እኛ ያልገዛናት ሀገር ከምድረ ገፅ ትጥፋ በሚል ከእነ ግብረአበሮቻቸው ተማምለው በውጭ ሀይሎች የእጅ አዙር ድጋፍ ጭምር የቻሉትን ሁሉ ግፍ ፈፅመውብናል ነው ያሉት።

የመከራውን ፍፃሜ የሚመኝ በችግሮቹ ተደናቅፎ አይወድቅምና የጀመርነውን የህልውና ትግል ዳር አድርሰን በአጠረ ጊዜ ጠላቶቻችንን ታሪክ የምናደርግበት ጊዜ ተቃርቧል ሲሉም በመልዕክታቸው አስፍረዋል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!