ጀርመን በጠቅላይ ሚኒስትር ዐቢይ መሪነት በኢትዮጵያ እየተከነወነ ያለውን ለውጥ እንደምትደግፍ ገለጸች

በውይይቱ ዶክተር ፍፁም አሰፋ፥ ኢትዮጵያ እየተገበረች በምትገኘው የ10 ዓመቱ የልማት ዕቅድ አፈጻጸም ላይ ለአምባሳደሩ ገለጻ አድርገውላቸዋል።

ኢትዮጵያ ከልማት ትብብር የምታገኘውን ድጋፍ አስመልክተው የመከሩ ሲሆን፥ ድጋፉ ለኢትዮጵያ ልማት ያለው አስተዋጽኦ ቀላል አለመሆኑንም አስረድተዋል።

በኢትዮጵያ የጀርመን አምባሳደር ስቴፋን አውየር በበኩላቸው፥ አገራቸው የኢትዮጵያ የልማት አጋር መሆኗን ጠቅሰው፣ መንግስታቸው ኢትዮጵያ እያከናወነች ያለውን የፖለቲካ እና የኢኮኖሚ ለውጥ እንደሚደግፍ ገልጸዋል።

በተጨማሪም የጀርመን መንግስት የጠቅላይ ሚኒስትር ዐቢይ አሕመድ አመራርን እንደሚደግፍ በመግለጽ፣ ወደፊትም ከኢትዮጵያ መንግስት ጋር ተባብሮ ለመስራት ቁርጠኛ መሆኑን ጨምረው አመልክተዋል።

የፕላን እና ልማት ሚኒስትር ዶ/ር ፍፁም አሰፋ እና በኢትዮጵያ የጀርመን አምባሳደር መባደረጉት በዚህ ውይይት በቀጣይ ኢትዮጵያ እና ጀርመን በተለያዩ የኢንቨስትመንት ዘርፎችና በልማት ፕሮግራሞች ትብብራቸውን ለማጠናከር መስማማታቸውን ከፕላንና ልማት ሚኒስቴር ያገኘነው መረጃ ያመለክታል።

አካባቢዎን ይጠብቁ!

ወደ ግንባር ይዝመቱ!

መከላከያን ይደግፉ!

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!