ኢቢሲ በራሱ አቅም ያበለጸገውን የሞባይል መተግበሪያ አስመረቀ

On Aug 13, 2025 140

አዲስ አበባ፣ ነሐሴ 7፣ 2017 (ኤፍ ኤም ሲ) የኢትዮጵያ ብሮድካስቲንግ ኮርፖሬሽን (ኢቢሲ) በራሱ አቅም ያበለጸገውን የሞባይል መተግበሪያ በዛሬው ዕለት አስመርቋል።

በዲጂታል ኢቢሲ ምረቃ ሥነ ሥርዓት ላይ ከፍተኛ የመንግሥት የሥራ ኃላፊዎች፣ አትሌቶች፣ አርቲስቶችና ጥሪ የተደረገላቸው እንግዶች ተገኝተዋል።

የመንግሥት ኮሙኒኬሽን አገልግሎት ሚኒስትር ለገሰ ቱሉ (ዶ/ር) በዚህ ወቅት እንዳሉት÷ የኢቢሲ ዲጂታል አሠራርና የይዘት ስብጥር የሀገርን ብሔራዊ ጥቅም የሚያስጠብቅ ነው።

ኢቢሲ መረጃን በተለያዩ አማራጮች የሁሉንም መልክ በሚያሳይ መንገድ ተደራሽ ማድረጉ ለኢትዮጵያ መገናኛ ብዙሃን አርአያ እንደሚሆን አንስተዋል፡፡

የኢትዮጵያ አርቲፊሻል ኢንተለጀንስ ኢንስቲትዩት ዋና ዳይሬክተር ወርቁ ጋቸና (ዶ/ር) በበኩላቸው÷ መረጃ ለሚዲያ ዘርፍ ካስማ በመሆኑ በሰው ሰራሽ አስተውሎት መታገዝ እንዳለበት አስረድተዋል፡፡

ተመልካችና አድማጭ የተለያየ የመረጃ ፍላጎት እንዳላቸው የተናገሩት ዋና ዳይሬክተሩ÷ የኢቢሲ መተግበሪያ ቴክኖሎጂውን በመጠቀም በተመልካች የመረጃ ፍላጎት መሰረት መረጃን ማቀበል የሚያስችል እንደሆነ አንስተዋል።

የኢቢሲ ዋና ሥራ አስፈፃሚ አቶ ጌትነት ታደሰ÷ ኢቢሲ ያሉትን ሁሉንም የይዘት አማራጮች በዲጂታል መልኩ ተደራሽ ለማድረግ የሚያስችሉ ሥራዎች አከናውኗል ብለዋል።

በተለይ ሁሉንም የይዘት አማራጮች ከዶትስትሪም የማኅበራዊ ሚዲያዎቹ ጋር አንድ ላይ የሚገኝበት የሞባይል መተግበሪያ የኢቢሲን ዲጂታል መንገድ እንደሚያሳድግ አመልክተዋል፡፡

ፈጣን እና ወቅታዊ መረጃዎችን ለማግኘት፡-